ABAKOAREN ERABILERA BAI?

-
Kaixo lagunok!

Aurreko sarrera batean, praktiketan izandako esperientzia batean, abakoaren erabilera egitea LH 1.mailan egokia ez zela adierazi zidan irakasleak. Dakizuen bezala, abakoaren gai honek interesa piztu zidan eta Leire Aranarekin harremanetan jartzea pentsatu nuen. Modu honetan, bere iritzia jaso eta nire buruari egin nion galdera horri erantzuna aurkitu nahi nion.

Leirerekin harremanetan jartzean, honako hau erantzun zidan:

Kaixo Nerea

Zenbat poztu nauen zure mezuak!!

Zure galderari erantzunez, LH1ean erabili daitezkeen materialetan, hurrenkera baten azkena da abakoa. Lehenengo zotzak gomekin elkartuta arituko nintzateke. Gero, erregletekin eta azkenik abakoarekin. Eta beti ere benetako kopuruak kontatu eta materialeekin eraikiz, eta montessori txartelekin adieraziz. Abakoa oso abstraktua da eta LH1ean ume gutxi egoten dira prest bere abstrakzioa bereganatzeko. Tamaina berdineko bolak 1, 10, 100 edo 1000 izan daitezkeela! Uau! Fede handia behar da hori sinisteko!!

Nire  webgunean heldu izan diot gai horri. Hemen linkatzen dizudan artikulua sorta baten azkena da  eta bertan, barruan dauzkazu gai horren inguruko beste lanketa modu eta proposmenak linkatuta. Emaiozu begiratu on bat lehenengotik hasita. Ea baliagarria den zuretzat.


Eta segi galderak eta iritziak lasai bidaltzen, mesedez. Asko eskertzen ditut!!


Asko poztu nintzen bere erantzuna jaso nuenean, ez bai nuen espero erantzutea. Hurrengo urratsa beraz berak proposatutako artikuluak irakurtzea izango da eta hamarrekoak lantzeko modu ezberdinak ezagutzea.

Esan behar dut praktikaldi honetan asko ikasten ari naizela eta ikaskuntza horietako bat abakoaren erabilera egiten hastea gomendagarria noiz den izan da. 

Amaitzeko, Leireri eskertu nahiko nioke nire mezuari erantzun izanagatik eta hurrengo batean matematika manipulatiboari buruzko galdera edo zalantzaren bat suertatzen bazait, ez dut zalantzarik egingo eta berarengana joko dut.

Zuentzat ere agian gomendagarria izango da Leireren web gunean harpidetzea eta bertako informazioa eskuragarri izatea.

Hurrengora arte lagunak!!

Iruzkinak

Argitaratu iruzkina

Blog honetako argitalpen ezagunak

MATEMATIKA MANIPULATIBOAREKIN JOLASEAN

-
Irudia
Kaixo lagunak! Praktikaldia amaitzear den honetan, azkeneko egun hauetan izan dudan esperientziari buruz hitz egin nahi dizuet. Dakizuen bezala, matematika manipulatiboa asko gustatzen zaidan gaietako bat da. Hori horrela izanik, gaurkoan matematika manipulatiboa abiapuntu hartuta egin ditugun jolasei buruz hitz egingo dizuet. Ikasgelan talde txikitan (4 ikasle talde bakoitzean) jolas kooperatiboak landu ditugu. Jolas horietako hiru matematika manipulatiboaren erabilera eginez izan da. Jolasetako bat hamarrekoak lantzeko helburuarekin proposatu dugu. Jolas horretan, lehenengo hamarreko poltsatxoak egin dituzte ikasleek. Ikasle bakoitzak 10 poltsatxo egin ditu.Poltsatxoak egin ondoren, nik zenbaki bat ematen nien ikasle bakoitzari eta zenbaki hori osatzeko zenbat hamarreko eta zenbat bateko behar dituzten irudikatu dute. Horrela zenbaki bat baino gehiagorekin, hamarrekoen kontzeptua behin baino gehiagotan landuz. Bigarren jolasa batuketak eta kenketak lantzeko helburuare...
Irakurri informazio gehiago

MATEMATIKA MANIPULATIBOA

-
Irudia
Kaixo lagunak! Gaurkoan Leire Aranak eskaini digun matematika manipulatiboaren inguruko hitzaldi edo tailerrari buruz hitz egitera natorkizue.  Hitzaldi edo tailer hau oso esanguratsua izan dela esan behar dut, Leirek oso ondo azaldu dizkigu matematika manipulatioaren nondik norakoak eta horretaz gain material hauekin esperimentatzeko edo jolasteko aukera eskaini digu. Hitzaldi honetan parte hartu ondoren, matematika lantzeko baliabide hauek erabiltzea ikasgai hau errazago ulertu eta honekin dibertitzeko bidea dela konturatu naiz. Nire LH-ko gairaian, matematika fitxen bitartez ikasten genuen, algoritmoak landuz, inongo ulergarritasunik gabe. Matematika mekanikoki egiten genuen ikasgaia zen. Egia esanda niri algoritmoak eta mekanikoki jarraitu beharreko pauso horiek ikastea ez zitzaidan batere zaia egin, ondo moldatzen nintzen buruz ikasi beharreko eta betirako diren formula horiekin. Aldiz, buruketen edo problemen gaia izaten zen niretzat erronka handiena. Izan ere, da...
Irakurri informazio gehiago

MATEMATIKETAN

-
Irudia
Kaixo lagunak! Gaurkoan Leire Aranaren matematiketan web guneari buruz hitz egitera natorkizue. Oso interesgarria da web gune hau, material eta baliabide izugarri aurki daitezke bertan eta hezkuntza etapa bakoitzari lotutako esperientzia matematikoak aurki daitezke.  Web gune hau irakasle guztiek ezagutu beharrekoa dela esango nuke, Leire Aranak bide asko eskeintzen baititu matematika esanguratsu, dibertigarri eta ikaskuntza-irakaskuntza tradizionaletik irteteko modukoa proposatzeko.   Web gunean bertan material asko eskeintzen den arren, ABN metodoari buruz hitz egiten du Leirek. Hitzaldian matodo hau aipatu zuen arren, azaltzeko aukerarik izan ez zuenez nire kaxa informazioa aurkitzen saiatu naiz, oso interesgarria dela iruditzen baitzait. Hasteko esan, metodo honen sortzailea Jaime Martínez Montero dela eta bi liburu idatzi dituela metodo honi buruz, hala nola, "Una nueva didáctica del cálculo para el siglo XXI" eta " Competencias básicas en matemñaticas....
Irakurri informazio gehiago