4.bisita gidatua (aurrezagutzak)

Kaixo lagunak!

Oraingoan 4.bisita gidaturi buruz hitz egingo dizuet. Praktiketan daramagun denboralditxoa kontuan izanda, ikasgelan matematikarekin lotuta ikusten ditugum hutsune edo gabeziak identifikatu ditugu.

Gai honekin hasteko, alde batetik, ikasgelan matematika material manipulatiboaren erabilera eginez lantzen bada ere, ikasleei hauekin esperimentatzeko tarte gutxi uzten zaiela esango nuke. Irakasleak material asko ditu sortuak eta hauen erabilera egiten du ikasgelan baina, ikasleei kontzeptuak lantzeko denbora gutxi eskaintzen zaiela esango nuke.

Material manipulatiboarekin edozein kontzeptu lantzen ari direnean, ikasle pare batek hartzen dute parte ekintza horretan eta gainontzekoak begira bakarrik egoten dira. Ez dute beraien eskuekin sentitzen egiten ari direna. Hau horrela izanik, ikasle batzuek kontzeptuak ulertzeko zailtasunak izan ditzaketela esango nuke, ikasle bakoitzaren erritmo desberdintasuna nabaria baita gelan eta erritmo hauek ez baitira guztiz errespetatzen (Ikasle batzuek kontzpetuak ulertzeko, manipulatiboki lantzeko denbora gehaigo behar izaten dute baina, irakasleak fitxak betetzeko beharra sentitzen du).

Manipulatiboki landutako kontzeptu horiek, ondoren fitxetan lantzen dituzte eta une hau iristen denean ikasle batzuk galduta sentitzen direla ikusi du.

Ondoko argazkian agertzen den moduko fitxak lantzen dituzte. Fitxa hori egin ahal izateko, lehenengo aurrautza kaxekin eta pin poneko pilotekin landu zituzten batuketak. Manipulatiboki lantzerao orduan, ordea, 3-4 ikaslek soilik parte hartu zuten. Hori horrela izanik, fitxa egiteko ordua iristean, ikasle batzuek ez zekiten bi habietako arrautzak kontatu behar dituztela, arrautza kaxekin egin zuten modura. Izan ere, gehiketa hauek nola egin behar ziren ulertzen ez zuten ikasleak, manipulatiboki landu zuten unean part hartu ez zutenak izan ziren.

Ondorioztatuz, irakasleak material manipulatiboaren erabilera egiten dakien arren (asko daki material manipulatiboei buruz) eta hau martxan jartzen badu ere, ikasleei hauekin esperimentatzeko denbora gutxi eskaintzen zaiela esnago nuke. Nire ustez, sortuta dituen material horiei erabilera handiagoa atera beharko lioke irakasleak, kontzeptu bakoitza lantzeari denbora gehiago eskainiz eta ikasle guztiei honetan parte hartzeko aukera eskainiz.