IDEIA ZAPARRADA

-
Kaixo lagunak!

Bidaiako lehen geldiunetxoa ikasgai honekiko ditudan aurreiritzi eta interesei buruzkoa izango da. 

Matematikaren ikaskuntza-irakaskuntzaren inguruan, nire bizipenak gogoan izanik, liburu edo fitxen bidez irakasten den ikasgaia dela esango nuke. Izan ditudan esperientziak kontuan izanik, lantzen diren jarduera asko bizitza errealean martxan jartzeko moduan lantzen ez direla uste dut, ikasgaia ulertzea batzuetan zaila bilakatzen delarik. 


Hori kontuan izanik eta gaur egungo ikastetxe askotan matematikaren ikaskuntza-irakaskuntza modu horretan lantzen dela jakinik, ikasleekin matematika modu aktibo eta parte-hartzaile batean lantzeko trebatzea gustatuko litzaidake, fitxak eta liburuak alde batera utziz eta ikasleei mundu errealean erabiltzeko moduko baliabideak nola eskaini jakiteko beharra dudalarik.  


Aurretik aipatutakoa lantzea nire lehentasuna eta interesekoa izanik ere, ikasgai honetan honakoa hau lantzea ere gustatuko litzaidake: matematika ikasleekin nola landu; ikasgaia errealitatearekin bat eginez lantzeko baliabideak eskuratu; hau lantzeko material manipulatiboak ezagutua; egunerokotasuneko objektuekin edo ikastetxeko testuinguruan nola landu ikasgaia; ikasleek matematika ikasteko duten garapena aztertu, adin tarte bakoitzean zer landu daitekeen jakinez; liburu eta fitxak alde batera uzteko ikasgaia lantzeko bestelako baliabideak ezagutu; etab.


Lanketa hau egiteko, informazioa bide ezberdinetatik eta baliabide mota anitzak  erabiliz aurkitu dezakedala uste dut. Alde batetik, baliabide materialak erabil ditzaket, hala nola, sarean dagoen informazio fidagarria, liburuak, aldizkariak, egile ezberdinen lanak, irakasgaiko irakasleak eskainitako bibliografia, etab. Bestetik, baliabide pertsonalak ere informazio iturri izan daitezke, Practicum IIIa egingo dudan ikastetxeko irakasleak, eta ikasgai honetako irakaslea adibidez.



Irakasleak eskainitako bibliografia aztertu ondoren eta nire interesak eta beharrak kontuan izanik, bi liburu hauetatik informazioa eskuratzen hastea gustatuko litzaidake: Repensar  el  aprendizaje    de  las  matemáticas (Gallego, 2005) eta Mate  Max:  La  matemática  en  todas  partes. (Dickenstein, 2009).

Ideia zaparrada hau gustatuko zaizuelakoan,

Beste bat arte.

Iruzkinak

Argitaratu iruzkina

Blog honetako argitalpen ezagunak

MATEMATIKA MANIPULATIBOAREKIN JOLASEAN

-
Irudia
Kaixo lagunak! Praktikaldia amaitzear den honetan, azkeneko egun hauetan izan dudan esperientziari buruz hitz egin nahi dizuet. Dakizuen bezala, matematika manipulatiboa asko gustatzen zaidan gaietako bat da. Hori horrela izanik, gaurkoan matematika manipulatiboa abiapuntu hartuta egin ditugun jolasei buruz hitz egingo dizuet. Ikasgelan talde txikitan (4 ikasle talde bakoitzean) jolas kooperatiboak landu ditugu. Jolas horietako hiru matematika manipulatiboaren erabilera eginez izan da. Jolasetako bat hamarrekoak lantzeko helburuarekin proposatu dugu. Jolas horretan, lehenengo hamarreko poltsatxoak egin dituzte ikasleek. Ikasle bakoitzak 10 poltsatxo egin ditu.Poltsatxoak egin ondoren, nik zenbaki bat ematen nien ikasle bakoitzari eta zenbaki hori osatzeko zenbat hamarreko eta zenbat bateko behar dituzten irudikatu dute. Horrela zenbaki bat baino gehiagorekin, hamarrekoen kontzeptua behin baino gehiagotan landuz. Bigarren jolasa batuketak eta kenketak lantzeko helburuare...
Irakurri informazio gehiago

MATEMATIKA MANIPULATIBOA

-
Irudia
Kaixo lagunak! Gaurkoan Leire Aranak eskaini digun matematika manipulatiboaren inguruko hitzaldi edo tailerrari buruz hitz egitera natorkizue.  Hitzaldi edo tailer hau oso esanguratsua izan dela esan behar dut, Leirek oso ondo azaldu dizkigu matematika manipulatioaren nondik norakoak eta horretaz gain material hauekin esperimentatzeko edo jolasteko aukera eskaini digu. Hitzaldi honetan parte hartu ondoren, matematika lantzeko baliabide hauek erabiltzea ikasgai hau errazago ulertu eta honekin dibertitzeko bidea dela konturatu naiz. Nire LH-ko gairaian, matematika fitxen bitartez ikasten genuen, algoritmoak landuz, inongo ulergarritasunik gabe. Matematika mekanikoki egiten genuen ikasgaia zen. Egia esanda niri algoritmoak eta mekanikoki jarraitu beharreko pauso horiek ikastea ez zitzaidan batere zaia egin, ondo moldatzen nintzen buruz ikasi beharreko eta betirako diren formula horiekin. Aldiz, buruketen edo problemen gaia izaten zen niretzat erronka handiena. Izan ere, da...
Irakurri informazio gehiago

MATEMATIKETAN

-
Irudia
Kaixo lagunak! Gaurkoan Leire Aranaren matematiketan web guneari buruz hitz egitera natorkizue. Oso interesgarria da web gune hau, material eta baliabide izugarri aurki daitezke bertan eta hezkuntza etapa bakoitzari lotutako esperientzia matematikoak aurki daitezke.  Web gune hau irakasle guztiek ezagutu beharrekoa dela esango nuke, Leire Aranak bide asko eskeintzen baititu matematika esanguratsu, dibertigarri eta ikaskuntza-irakaskuntza tradizionaletik irteteko modukoa proposatzeko.   Web gunean bertan material asko eskeintzen den arren, ABN metodoari buruz hitz egiten du Leirek. Hitzaldian matodo hau aipatu zuen arren, azaltzeko aukerarik izan ez zuenez nire kaxa informazioa aurkitzen saiatu naiz, oso interesgarria dela iruditzen baitzait. Hasteko esan, metodo honen sortzailea Jaime Martínez Montero dela eta bi liburu idatzi dituela metodo honi buruz, hala nola, "Una nueva didáctica del cálculo para el siglo XXI" eta " Competencias básicas en matemñaticas....
Irakurri informazio gehiago